KI NAINON KE BAADAL BARASNA CHHOD DENGE….

Posted: September 12, 2012 by Ankur in Writes...
Tags: ,

zindagi ki uljhane shararaton ko kum kar deti hain;

aur log samajhte hain ki hum bade ho gaye hain.
fir bhi kisi kone se ye awaaz aati hai;
fir bhi mann ye gungunaane ko tarasta hai;
fir un bebaak parindo ki tarah..
ye mann bhi udna chahta hai…
 
na jane kyun kaid hai ye mann
kin bediyon ke bhoj se dabaa hai ye…
apni lalak ko aankhon se chhalka jata hai
dilaasa deti hain is dil ki zarzarr deewarein
ki ek din.. ye nainon ke baadal barasna chhod denge
siskiyon ke manzar apni raah badal lenge
ki ek din… ye nainon ke baadal barasna chhod denge
 
wo gaye jo jaane waale the,
jinhe jana hai wo bhi jaaenge
aur jo hain saath na jaane kab tak saath nibhaege
kirdaar hai sabka kuch na kuch
fir wo bhi duur ho jaenge
fir kyun unki raah takte takte
ae mann tu kyun hota utaavla hai,
har apne jis din muh mod lenge
ki ek din… ye nainon ke baadal barasna chhod denge
 
socha tha ye rishte har pal saath nibhaenge
pakke hain yeh, kabhi toot na paaenge.
par palkon par sajaaye khwaaab kabhi sach nahi hote
kabhi kabhi raahon me apne hain khote
isi tarah raahon par hum bhi badh chalenge
ki ek din… ye nainon ke baadal barasna chhod denge
 
ae mann tu ab samhal ja
kyun hai tu aas lagata
apne jo aage chal diye
toh koi laut kar na aata
un bikhre palon ko samet hum bhi aage badh chalenge
ki us din… ye nainon ke baadal barasna chhod denge!
Vaishali Joeley

 

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s