Posts Tagged ‘naadaniyat’


Naadani ka manjar tha wo ya tha kuch aur ki,
Hosh ki ye duniya begani si lagti hai,
Sab kuch hote huaye bhi khushiyon ki phir kyun kami lagti hai,
Wo ladna wo jhagdna wo roz savere unke ek didar ke liye tadapna,
Kyun main us naadani ke manjar main nhi jee sakta hun,
Kyun main iss hosh ki duniya ko apna nhi keh sakta hun,
Wo ruthna wo manana wo dil ki baat ko dil main he dabana,
Unki khushi main apni khushi ko pana agar yahi naadani ki duniya,
Toh hosh ki iss duniya main pyar he kitna hai….??
Naadani ki us duniya main na koi apna tha na koi paraya,
Jo mila jindagi ne usse he gale milaya,
Jab se hosh sambhala hai es duniya main sirf dukh aur dard he paya hai,
Jo kabhi apne they unhe paraya he paya hai,
Saalon ki dosti ko pal bhar main tutte dekha hai,
Bhaiyon ko aapas main phir kyun ladte dekha hai, 
Kya isi ko kehten hain hosh sambhalana,
Naadani ki seekh ko duayein main udate jana,
Wakt ka manzar bhi kuch iss kadar ghumta hai,
Sapno ke mehal ko choor karta nikalta hai,
Khwabon ki koi pohonch nhi hai iss hosh ki duniya main,
Phir kyun insaan naadani ki us duniya main sapne bunta phirta hai,
Shabdon ke mayno ko hamesha galat he kyun samjhta hai,
Naadani ke us manjar ko hamesha kosna hota hai,
Nahi chahye mujhe teri yeh hosh ki duniya,
Mujhe toh de de bus meri pyari purani duniya,
Naadani ka manjar tha wo ya tha kuch aur…  

Abhishek Kumar
Sir Padampat Singhania University,Udaipur 
abhishekmr280@gmail.com

in collaboration with Elements, SPSU Udaipur

TOPIC: Grey